"जागत्या स्वप्नाचा प्रवास (पुस्तक)" च्या विविध आवृत्यांमधील फरक

सचिन तेंडुलकरच्या आंतरराष्ट्रीय पदार्पणापासून या पुस्तकाचा प्रारंभ होतो. कॅलेंडर वर्षांनुसार या पुस्तकात एकेक प्रकरण आहे. प्रकरणांची रचना मालिकानिहाय केलेली आहे. प्रत्येक मालिकेतील सचिनच्या कामगिरीच्या तपशीलवार नोंदी देणाऱ्या तालिकेने प्रकरण सुरू होते. मग प्रत्येक सामन्याबद्दल लेखकाने सचिनला केंद्रस्थानी ठेवून लिहिलेला गोषवारा येतो. सचिनच्या कामगिरीसोबतच त्या सामन्यातील इतर लक्षवेधी घडामोडींचीही लेखकाने यथाशक्तीयथाशक्ति दखल घेतल्याने पुस्तक अधिक रंजक झाले आहे.

या संकलनात विवेचनाच्या ओघात काही अर्थवाही प्रतिशब्द लेखकाने वापरलेले आहेत. [[सोलापूर]]च्या दैनिक [[संचार]]मधून आणि नंतर मराठीसृष्टी.कॉमवर स्तंभलेखन करताना त्याने ते पूर्वीही वापरले आहेत. ''स्ट्राईक'' ला सुकाणू, ''नॉन-स्ट्रायकर'' ला बिनटोल्या, ''स्विंग'' ला डूल, ''हॅट्रिक'' ला त्रिक्रम, ''टी२०'' ला विसविशीत सामना, ''नाईट वॉचमन'' ला संध्यारक्षक असे काही मासलेवाईक प्रतिशब्द पुस्तकात आहेत.