महाराजांच्या द्वितीय पत्नी [[सोयराबाई]] या हंबीरराव मोहित्यांच्या भगिनी होत्या. हंबीररावांच्या कन्यका [[ताराबाई|महाराणी ताराबाई]] ह्या [[छत्रपती राजाराम|राजाराम]] महाराजांच्या पत्नी होत्या.
==पराक्रमी हंबीररावांची तरवार==
सरसेनापती हंबीरराव मोहिते यांची [[तलवार]] [[प्रतापगड|प्रतापगडावरील]] भवानी माता मंदिरातील वीसमोर ठेवलेली आहे. या तलवारीवर चांदणीच्या आकाराचे सहा शिक्के (नॉचेस) दिसून येतात. [[अफझलखान|अफझलखानाशी]] झालेल्या लढाईत सरसेनापती हंबीरराव मोहिते यांनी ६ तासात ६०० शत्रूंना मारले. म्हणजे ३६० मिनिटांत ६०० शत्रू मारले. त्या काळात शिवाजी महाराजांनी चालू केलेल्या प्रथेप्रमाणे एखाद्या सैनिकाने एकाच [[लढाई]]त १०० शत्रू मारले तर त्या मावळ्याच्या तलवारीवर एक खूण उमटवली जाई.. सरसेनापती हंबीरराव मोहित्यांच्या तलवारीवर ६ खुणा आहेत. असा पराक्रम फार दुर्मीळ आहे. भवानी मातेसमोर ठेवलेल्या या तलवारीची भवानी मातेसोबत पूजा केली जाते.{{संदर्भ हवा}}
