'''नेपाळमधील बौद्ध धर्म''' [[भारतीय व्यक्ती|भारतीय]] आणि तिबेट[[तिबेटी बौद्ध धर्म|तिबेटी धर्मप्रसारकांच्या]] माध्यमातून [[सम्राट अशोक|सम्राट अशोकांच्या]] कारकिर्दीपासूनच पसरला. किरातास हे [[नेपाळ|नेपाळमधील]] पहिले लोक होते ज्यांनी [[गौतम बुद्ध|गौतम बुद्धांच्या]] [[बौद्ध तत्त्वज्ञान|शिकवणीचा]] स्वीकार केला, त्यानंतर लिचाविज आणि नेवार लोकांनी बुद्धांच्या शिकवणीचा स्वीकार केला होता. बुद्धांचा जन्म [[इ.स.पू. ५६३]] मध्ये [[शाक्य राज्यातगणराज्य|शाक्य गणराज्यात]] [[लुंबिनी]] येथे झाला होता. लुंबिनी हे सध्या नेपाळमधील रुपंदेही जिल्हा, नेपाळमधील लुंबिनी झोनमध्ये आहे. [[बौद्ध धर्म]] हा [[नेपाळमधील धर्म|नेपाळमधील दुसऱ्या क्रमांकाचा सर्वात मोठा धर्म]] आहे. २००१ च्या जनगणनेनुसार नेपाळमधील १०.७४% लोक बौद्ध धर्माचे पालन करीत होते, त्यात प्रामुख्याने तिबेटो-बर्मन भाषिक जाती, व नेवार यांचा समावेश होता. तथापि, २०११ च्या जनगणनेत देशातील लोकसंख्येपैकी केवळ ९% लोकसंख्या बौद्धांची होती. नेपाळच्या तेकडी आणि डोंगराळ प्रदेशात हिंदू धर्माने बौद्ध धर्मियांना इतक्या प्रमाणात आत्मसात केले आहे की बऱ्याच बाबतीत त्यांच्यात देवता आणि मंदिरे समान आहेत. उदाहरणार्थ, [[मुक्तिनाथ मंदिर]] हे [[हिंदू]] आणि [[बौद्ध]] दोघांचेही समान उपासनास्थान आहे.
