बाबा (मराठी चित्रपट)

बाबा हा एक मराठी चित्रपट आहे. २ ऑगस्ट २०१९ शुक्रवार रोजी हा चित्रपट प्रदर्शित झालेला आहे.

निर्माते

• संजय दत्त (संजय दत्त प्रॉडक्शन)
• अशोक सुभेदार, आरती सुभेदार (ब्लू मुस्टंग क्रिएशन)

दिग्दर्शक

राज आर. गुप्ता

प्रमुख कलाकार

• दीपक डोब्रीयाल (माधव)

दीपक यांनी अभिनय केलेला हा पहिला मराठी चित्रपट आहे.

• नंदिता पाटकर (आनंदी)
• आर्यन मेघजी(शंकर)
• स्पृहा जोशी (पल्लवी देशपांडे)
• अभिजीत खांडकेकर (राजन देशपांडे)

अन्य कलाकार-

चित्तरंजन गिरी

जयवंत वाडकर

शैलेश दातार

जयंत गाडेकर

संगीत

रोहन-रोहन

• पार्श्वसंगीत-

सुस्मित लिमये

कथानक

या चित्रपटाची कथा मनीष सिंग यांनी लिहिलेली आहे. एका मुलाचे आपल्या वडिलांसोबत असणारे नाते या चित्रपटात दाखविण्यात आले आहे. माधव आणि आनंदी हे दाम्पत्य मूकबधिर आहे. रत्‍नागिरीमधील एका लहान गावात राहणा-या या दाम्पत्याची आर्थिक परिस्थिती बेताची आहे. असे असूनही आपल्या लहान मुलाला (शंकर) आनंद मिळवून देण्यासाठी हे दोघे प्रयत्न करीत असतात.अचानक पुण्यातील एक सधन दाम्पत्य पल्लवी आणि राजन देशपांडे हे रत्‍नागिरीला येतात आणि शंकर आपला मुलगा असल्याचा दावा करतात. शंकरला बोलता येत असूनही मूकबधिर आईवडिलांच्या सहवासात राहिल्याने त्याला बोलता येत नसतं. या परिस्थितीत त्याचे भवितव्य अधांतरी असल्याचे सांगत देशपांडे दाम्पत्य न्यायालयात खटला दाखल करतात. माधव आणि आनंदी यांच्या बाजूने न्याय मिळायचा आसेल तर त्यासाठी शंकरला साक्ष देण्यासाठी बोलणे आवश्यक असते. या परिस्थितीत शंकर बोलू शकतो का ?न्यायालय काय निर्णय देते? शंकर हा खरोखर राजन आणि पल्लवी यांचा मुलगा असतो का ? असे हे कथानक आहे.

विशेष लक्षणीय

गोल्डन ग्लोब्ज २०२० मध्ये बेस्ट मोशन पिक्चर परदेशी भाषा पुरस्कार विभागात हा चित्रपट प्रदर्शित होणार आहे.