बबन प्रभू, जन्मनाव साजबा विनायक प्रभू[१], (जन्म :१६ डिसेंबर १९२९ - - इ.स. १९८१) हे मराठी रंगभूमीवरील एक अभिनेता आणि नाटककार होते. 'झोपी गेलेला जागा झाला' हे त्यांनी लिहिलेले नाटक खूप लोकप्रिय झाले होते. मुंबई दूरदर्शनच्या सुरुवातीच्या काळात बबन प्रभू रोज एकदातरी पडद्यावर येऊन काही गमतीदार गोष्टी, चुटके किंवा विनोद सांगत असत. बबन प्रभू यांना मराठी फार्सचा राजा म्हणत. मुंबई दूरदर्शनवर हास परिहास हा बबन प्रभू व याकूब सईद यांचा कार्यक्रम खूप गाजला होता.

आकाशवाणी निवेदक आणि कलाकार नीलम प्रभू ह्या त्यांच्या पत्‍नी होत.

सन्मान संपादन

दादर पश्चिम (मुंबई)मधील शिवाजी पार्कजवळील एका चौकाला बबन प्रभू चौक हे नाव दिले आहे.

पुरस्कार संपादन

नाट्यलेखनासाठी दरवर्षी बबन प्रभू स्मृती पुरस्कार दिला जातो. आत्तापर्यंत हा पुरस्कार मिळालेले नाटककार (आणि त्यांचे नाटक)
  • गुरू ठाकुर, वर्ष २००७-०८; (भैय्या हात पाय पसरी)

याशिवाय, बबन प्रभू यांच्या स्मरणार्थ त्यांचे बंधू-भगिनी आणि मित्रपरिवार दरवर्षी आणखी एक ’बबन प्रभू स्मृती पुरस्कार’ देतात. २०१३साली हा पुरस्कार संतोष पवार यांना मिळाला. पुरस्कारार्थीची निवड अखिल भारतीय मराठी नाट्य परिषद करते.

नाट्य-कारकीर्द संपादन

नाटककार संपादन

बबन प्रभूंनी लिहिलेली नाटके
  • घोळात घोळ
  • चोरावर मोर
  • झोपी गेलेला जागा झाला
  • दिनूच्या सासूबाई राधाबाई
  • पळा पळा कोण पुढे पळे तो
  • माकड आणि पाचर

अभिनेता संपादन

बबन प्रभूंनी अनेक नाटकांतून कामे केली. घोळात घोळ नाटकामधील शांतू आणि पळा पळा कोण पुढे पळे तो नाटकामधील बन्सीधर या त्यांनी रंगवलेल्या भूमिका विशेष गाजल्या.

संदर्भ आणि नोंदी संपादन

  1. ^ आत्माराम भेंडे. "प्रभूंचा बबन म्हातारा?". Archived from the original on 2016-03-09. 2011-06-07 रोजी पाहिले.