दुधना नदी
दुधना नदी ही महाराष्ट्रातील जालना जिल्ह्यातील एक नदी आहे.
| दुधना | |
|---|---|
| उगम | छत्रपती संभाजीनगर जिल्ह्यातील वेरुळ डोंगरात |
| पाणलोट क्षेत्रामधील देश | छत्रपती संभाजीनगर , जालना व परभणी जिल्हा महाराष्ट्र |
| लांबी | १७७ किमी (११० मैल) |
| उपनद्या | कल्याण, कुंडलिका, सुकना, लहुकी, कसुरा |
| धरणे | अप्पर दुधना , लोअर दुधना |
 |
दुधना नदी हा लेख अपूर्ण आहे आणि पूर्ण करण्यास आपण हातभार लावू शकता.
हा लेख संपादित करण्यासाठी येथे टिचकी द्या.
|
छत्रपती संभाजीनगर जिल्ह्यातील खुल्दाबाद–म्हैसमाळ–सारोळा या अर्धवर्तुळाकार डोंगरागांमध्ये उगम पावून पूर्वेकडे जालना जिल्ह्यात वाहत जाते आणि पुढे परभणी शहराच्या ईशान्येस सु. १५ किमी. वर दक्षिण पूर्णा नदीला संगमेश्वर संस्थान देवठाना येथे मिळते. उगमापासून ६० किमी.च्या पुढील नदीचे पात्र रुंद होत जाते आणि ती बारमाही वाहते.
दुधनेच्या उत्तरेकडील जिंतूर डोंगरारांगांमुळे दक्षिण पूर्णेचे पाणलोट क्षेत्र अलग झाले आहे. ज्वारी, बाजरी, गहू, कडधान्ये (तूर, मूग, उडीद, वाटाणा, हरभरा), भुईमूग, कापूस ही या नदीखोऱ्यातील मुख्य पिके होत. जालना, परतुर, मंठा, रांजणी, सेलू, मानवत, परभणी ही या नदीखोऱ्यातील शहरे व बाजारपेठा आहेत. नदीवर काही मध्यम प्रतीचे पाटबंधारे बांधलेले आहेत.