तत्त्वज्ञानातील माझी वाटचाल

तत्त्वज्ञानातील माझी वाटचाल हा "प्रा. मे. पुं. रेगे यांचे तत्त्वज्ञान" या ग्रंथातील रेगे यांचा लेख असून त्यातून रेगे यांची वैचारिक जडणघडण कशी झाली, त्याचे दर्शन घडते. हे त्यांचे आत्मनिवेदन आहे. १९४६ ते १९८४ या काळात रेगे यांनी तत्त्वज्ञानात काय केले, त्यांची स्वतःची तत्त्वज्ञानातील भूमिका कोणती, यावर या लेखात रेगे यांनी भाष्य केले आहे.तथापि हयात तत्त्ववेत्त्यांचे ग्रंथालय या ग्रंथमालेतील तत्त्ववेत्त्याच्या निवेदनासारखे हे निवेदन नाही: " तत्त्वज्ञानातील माझ्या वाटचालीला ह्या निवेदनाला हा दर्जा असणार नाही" असे रेगे म्हणतात. फार तर "ह्या निवेदनाला एक 'केस-स्टडी' म्हणून काही सामाजिक महत्त्व असू शकेल" अशी पुस्ती ते याच पानावर जोडतात.