समांतर (मराठी चित्रपट)

समांतर हा अमोल पालेकर यांनी दिग्दर्शित केलेला एक मराठी चित्रपट असून यात उद्योगपती केशव आणि शमा या दोन व्यक्तिरेखांच्या एकटेपणाची कथा आहे.

समांतर
दिग्दर्शन	अमोल पालेकर
कथा	संध्या गोखले
पटकथा	संध्या गोखले
प्रमुख कलाकार	अमोल पालेकर शर्मिला टागोर समीर धर्माधिकारी राधिका आपटे किशोर कदम मकरंद देशपांडे
संवाद	संध्या गोखले
संकलन	अभिजीत देशपांडे
छाया	असीम बोस
गीते	सौमित्र
संगीत	आनंद मोडक
पार्श्वगायन	शंकर महादेवन श्रेया घोषाल सुदेश भोसले
वेशभूषा	संध्या गोखले ,नीरजा गुप्ता
रंगभूषा	गीता गोडबोले
भाषा	मराठी
प्रदर्शित	{{{प्रदर्शन तारीख}}}

संक्षिप्त

‘आक्रित’,‘पहेली’, ‘बनगरवाडी’, ‘अनाहत’, ‘थांग’ अशा चित्रपटांचे दिग्दर्शक आणि सुप्रसिद्ध अभिनेता अमोल पालेकर यांनी ‘समांतर’ या चित्रपटाची निर्मिती इ.स. २००९ मध्ये केली. बिग पिक्चर्स बॅनरचा पहिला मराठी चित्रपट, हिंदी-बंगाली चित्रपटातील ख्यातनाम अभिनेत्री आणि सेन्सॉर बोर्डाच्या अध्यक्षा शर्मिला टागोर यांची प्रमुख भूमिका या चित्रपटात आहे. अमोल पालेकर यांनी केशव वझे ही व्यक्तिरेखा अतिशय सुरेख प्रकारे साकारली आहे. समांतरची पटकथा व संवाद लिहिणाऱ्या संध्या गोखले यांनी जेंव्हा या चित्रपटाचे कथानक अमोल पालेकर यांना सांगितले तेव्हा ते त्याना इतके आवडले होते, की ते गोखले यांना म्हणाले मी या चित्रपटात प्रमुख भूमिका करेन. या चित्रपटाचे चित्रांकन पुणे आणि कोलकात्यापासून काहिशा अंतरावर असणाऱ्या कोलना याठिकाणी केले गेले.

कथानक

गतायुष्यात अर्धवट राहून गेलेली भावनिक गुंतवणूक आणि उत्तरायुष्यात त्याची सव्याज परतफेड करावी की नाही असा गुंता असा या चित्रपटाचा विषय आहे.

कलाकार

• अमोल पालेकर - केशव वझे
• शर्मिला टागोर - शमा वझे
• राधिका आपटे - रेवा वझे
• समीर धर्माधिकारी - डॉ. पारितोष वझे
• किशोर कदम - डॉ. निकुंभ
• मकरंद देशपांडे - मकरंद
• वंदना गुप्ते - ज्योत्स्ना सक्सेना