पदावली

बीजगणितानुसार पदावली (मराठी लेखनभेद: पदावलि ; इंग्लिश: Expression, एक्सप्रेशन ;) म्हणजे गणिती चिन्हांची व बैजिक चिन्हांची सान्त रचना असते. पदावल्यांच्या घटकांमध्ये स्थिरांक व चलांक इत्यादी गणिती चिन्हे/राशी, तसेच क्रिया व संबंध दर्शवणारी बैजिक चिन्हे मोडतात. पदावल्या अंकगणितातील एखाद्या सोप्या क्रियांपासून बनलेल्या असू शकतात, उदा.:

$3+5\times \left((-2)^{7}-{\frac {3}{2}}\right)$

, किंवा चलांक, फल, क्रमचय, योगफल, विकलक व संकलक यांपासून बनलेल्या जटिल मांडण्या असू शकतात. उदा.:

$f(a)+\sum _{k=1}^{n}\left.{\frac {1}{k!}}{\frac {d^{k}}{dt^{k}}}\right|_{t=0}f(u(t))\ +\ \int _{0}^{1}{\frac {(1-t)^{n}}{n!}}{\frac {d^{n+1}}{dt^{n+1}}}f(u(t))\,dt.$

सर्वसाधारणपणे पाहिल्यास पदावल्यांना सामान्य अंकगणितीय क्रियांचे संख्या, चल व गणितीय क्रिया या घटकांपासून बनवलेले सरलीकृत रूप मानता येईल. उदाहरणार्थ :

रेषीय पदावली: $8x-5$.

द्विघात पदावली: $7{{x}^{2}}+4x-10$.

गुणोत्तरीय पदावली: ${\frac {x-1}{{{x}^{2}}+12}}$.

गणितीय पदावलीच्या रचनेचे नियम न पाळता लिहिलेल्या बैजिक चिन्हांच्या व चलांच्या माळेस मात्र पदावली असे म्हणता येत नाही. उदाहरणार्थ :

$\times 4)x+,/y$