"हारुकी मुराकामी" च्या विविध आवृत्यांमधील फरक

[[तोक्यो]] येथील वासेदा विद्यापीठात त्याने नाट्यशास्त्राचे शिक्षण घेतले. तेथेच त्याची व पत्नी योको हिची प्रथम गाठ पडली. त्याने पहिली नोकरी एका रेकॉर्ड दुकानात धरली. (नॉर्वेजियन वूड या त्याच्या कादंबरीतले एक मुख्य पात्र, तोरू वातानाबेदेखील तेथेच नोकरी करताना दाखवला आहे.) अभ्यासक्रम संपत आलेला असतानाच मुराकामीने त्याच्या पत्नीच्या साथीने 'पीटर कॅट' नावाचे एक कॉफीहाऊस (जे संध्याकाळी जाझ बार असे) कोकुबुंजी, तोक्यो येथे सुरू केले. हा बार त्यांनी [[इ.स. १९७४]]पासून [[इ.स. १९८१]]पर्यंत चालवला.

 

 

मुराकामी हा मॅराथॉन व ट्रायथलॉन धावपटू आहे. त्याने वयाच्या तेहतिसाव्या वर्षी धावण्यास सुरुवात केली. [[जून २६]], [[इ.स. १९९६]] साली त्याने पहिली अल्ट्रामॅराथॉन (होक्काइडो येथील सरोमा सरोवराभोवतीची १०० किलोमीट‍रची शर्यत) पूर्ण केली. त्याच्या धावण्यासंबंधी त्याने [[इ.स. २००८]] साली प्रकाशित केलेल्या त्याच्या ''व्हॉट आय टॉक अबाऊट व्हेन आय टॉक अबाऊट रनिंग'' या पुस्तकात लिहिले आहे.