'''गूगल शोध''' ([[इंग्लिश भाषा|इंग्लिश]] : Google Search) हे [[आंतरजालमहाजाल|आंतरजालावरील]] सर्वांत जास्त लोकप्रिय [[शोधयंत्र]] संकेतस्थळ आहे. [[गूगल]] कंपनीचे हे संकेतस्थळ रोज अनेक कोटी शोध प्रश्नांसाठी उत्तरे पुरवते.<ref>{{संकेतस्थळ स्रोत |दुवा=http://searchenginewatch.com/showPage.html?page=3630718 |शीर्षक=Almost 12 Billion U.S. Searches Conducted in July |प्रकाशक=SearchEngineWatch |दिनांक=2008-09-02 |अ‍ॅक्सेसदिनांक=}}</ref> इंटरनेट शोधयंत्रांच्या जागतिक वापरापैकी अंदाजे ६०% वापर एकट्या गूगल शोधयंत्राद्वारे होतो. लॅरी पेज आणि सर्गे ब्रिन ह्या संस्थापकांनी विकसवलेल्या सॉफ्टवेरावर आधारित हे शोधयंत्र सन २००० नंतर अल्पावधीतच अधिकाधिक लोकप्रिय होत गेले. गूगलच्या ह्या सुरवातीच्या यशाचे बरेचसे श्रेय त्यांच्या 'पेजरँक' ह्या सॉफ्टवेर तंत्राला व वापरायला सोप्या व जलद संकेतस्थळाला दिले जाते. [[चित्र:google marathi.png|200px|thumb|गूगल संकेतस्थळाचे मराठीतले मुखपृष्ठ]]
गूगल शोधयंत्र साध्या शब्दशोधाव्यतिरिक्त इतर अनेक प्रकारांची माहिती शोधण्याची सोय पुरवते. यांत शब्दकोश , हवामान, बातम्या, समभागांच्या किमती इत्यादींचा समावेश आहे. त्याचप्रमाणे काही साध्या आकडेमोडी (जसे गुणाकार/भागाकार), वेगवेगळ्या देशांच्या चलनी किमतींची गणिते (उदा. १ अमेरिकन डॉलर म्हणजे किती भारतीय रुपये, इत्यादी) गूगल शोधयंत्रावरून करता येतात.
