"एच.जी. वेल्स" च्या विविध आवृत्यांमधील फरक

हर्बर्ट वेल्स यांचा जन्म [[इंग्लंड]] देशातील [[केंट]] कौंटी मधल्या [[ब्रोमली]] या गावी दि. [[२१ सप्टेंबर २१]] [[इ.स. १८६६|१८६६]] झाला. कनिष्ठ मध्यमवर्गातील जोसेफ वेल्स आणि साराह निल यांचे ते चौथे अपत्य. वडील जोसेफ हे आधी माळी काम करीत असत, काही काळानंतर हर्बर्टच्या जन्मा आधी त्यांनी किराणा मालाचे एक छोटेसे दुकान सुरू केले तर आई साराह ही मोलकरीण म्हणून काम करून आपल्या कुटुंबाचा उदरनिर्वाह चालवीत असे. हर्बर्टचे शिक्षण कसेबसेच सुरू झाले. आपल्या कुटुंबाची ओढाताण दिसत असल्याने हर्बर्ट लहानपणी केंट विभागाकडून [[क्रिकेट]] खेळून चार पैसे मिळवित. १८७४ साली एका छोट्या अपघातात त्यांचे पायाचे हाड मोडले, सक्तीच्या विश्रांती काळात वडिलांनी आणून दिलेल्या पुस्तकांमुळे वाचनाची आवड निर्माण झाली. त्यामुळे शाळेत अनेक शिष्यवृत्ती मिळवून आपला शिक्षणाचा खर्च स्वतःच पेलला. यामुळे पुढे १८९० साली विज्ञान विष्यातील पदवी मिळाल्यानंतर त्यांना विज्ञान शिक्षक म्हणून नोकरी मिळाली.