लेओपोल्ड फॉन रांक

लिओपोल्ड व्हॉन रॅन्के (इंग्लिश Leopold von Ranke) (जन्म-२१ डिसेंबर इ.स. १७९५ वाहे, सॅक्सनी, जर्मनी मृत्यू- २३ मे इ.स. १८८६) हा जर्मनीतील एक इतिहासकार होता.

लिओपोल्ड व्हॉन रॅन्के

परिचय

याचे शिक्षण हॅले व बर्लिन येथे झाले. इ.स. १८१८ साली त्याने फ्रॅंकफूर्ट येथील एका शाळेत शिक्षकाची नोकरी स्विकारली. त्यानंतर इ.स. १८२५ साली रॅन्के पर्शियन सरकारच्या नोकरीत शिरला. त्याचवेळी त्याची बर्लिन येथे इतिहासाचा प्राध्यापक म्हणून नियुक्ती झाली. नेबूरचा रोमन इतिहास वाचल्यानंतर उत्सुकता व विश्वासार्ह माहिती मिळवण्यासाठी रॅन्केने हिरोडोटस, थुसिडाडस, झेनोफीन, डायनोसिस, लिव्ही, सिसिरो या इतिहासकारांचा अभ्यास केला. एकोणिसाव्या शतकातील शास्त्रशुद्ध इतिहास संशोधन व इतिहास लेखन याचा लेओपोल्ड फॉन रांक प्रणेता आहे. रॅन्केने इतिहासाला बुद्धिवादी विषय बनवून व्यावसायिक प्रशिक्षण व पुराभिलेख संशोधन कार्यपद्धतीची जोड दिली. शास्त्रोक्त संशोधन करून व पुराव्यांची काटेकोर छानणी करूनच त्यावर इतिहास लेखन करण्याचा नवा पायंडा त्याने पाडला.

लेखन

लेओपोल्ड फॉन रांकच्या समग्र लेखनाचे ५४ खंड आहेत. त्यापैकी महत्वाचे म्हणजे हिस्ट्री ऑफ पोपस, हिस्ट्री ऑफ रिफर्मेशन इन जर्मनी, फ्रेंच हिस्ट्री, इंग्लिश हिस्ट्री, पर्शियन हिस्ट्री. या ग्रंथांमध्ये त्याने १५ व्या शतकापासून ते १८ व्या शतकापर्यंतची युरोपमधील घटनांची माहिती दिलेली आहे. लॅटिन व ट्युटॉनिक राष्ट्रांचा इतिहास या ग्रंथात रॅन्केने युरोपियन संस्कृती हा रोमन व जर्मन घटकांचा एकरूप असा अविष्कार आहे असे दाखवून दिले.

अन्य लेखन

• हिस्ट्री ऑफ द रोमानिक अॅंड जर्मनीक पीलल्स फ्रॅाम १४९४-१५१४,
• सर्बियन रिवोल्युशन
• प्रिन्सेस अॅंड पीपल्स ऑफ साऊदर्न युरोप इन द सिक्स्टीन्थ अॅंड सेव्हन्टीन्थ सेंच्युरीज
• द रोमन पोप्स इन द लास्ट फोर सेंच्युरीज १८३४-१८३६
• मेमरीज ऑफ द हाऊस ऑफ ब्रॅंडेंन्बर्ग अॅंड हिस्ट्री ऑफ पर्शिया ड्युरींग द सेव्हन्टीन्थ अॅंड एटिन्थ सेंच्युरीज
• सिवील वार्स अॅंड मोनार्की इन फ्रान्स
• द जर्मन पावर्स अॅंड द प्रिन्सेस लीग
• ओरिजीन अॅंड बिगीनिंग ऑफ द रिवोल्युशनरी वार्स
• वर्ल्ड हिस्ट्री: द रोममन रिपब्लिक अॅंड इट्स वर्ल्ड रूल

बाह्य दुवे

• लेओपोल्ड फॉन रांक याचा ग्रंथ (हिस्ट्री ऑफ इंग्लंड) इंग्रजी मजकूर खंड १ खंड २ खंड ३ खंड ४ खंड ५ खंड ६