"एलईडी" च्या विविध आवृत्यांमधील फरक

एल्ईडी बनवतांना निर्माण होणार्‍या प्रकाशाचे रंग हे त्याच्या तरंगलांबीवर अवलंबून असतात. तेव्हा अपेक्षित तरंगलांबीचे फोटोन्स मिळवण्यासाठी P आणि N भागातल्या अर्धवाहक पदार्थाच्या इलेक्ट्रॉन्सच्या पातळीत आवश्यक तो फरक असावा लागतो. त्यानुसार वेगवेगळे अर्धवाहक पदार्थ निवडावे लागतात. एल्ईडी हा जर हवेत मोकळा ठेवला व त्यास विद्युत पुरवठा केला तर आपणास प्रकाश मिळू शकणार नाही. याचे कारण म्हणजे प्रकाशाचा *रिफ्रॅक्टिव इंडेक्स (वक्रीभवनांक) (refractive index) हा गुणधर्म. जेव्हा प्रकाश एका माध्यमातून दुसर्‍या माध्यमात प्रवेश करतो तेव्हा तो काही कोनात आपला मार्ग बदलतो. दोन माध्यमांच्या प्रकाशवहनाच्या वेगांतील फरक जेवढा मोठा, तेवढा प्रकाशाचा मार्ग बदलण्याचा कोन मोठा. जेव्हा इलेक्ट्रॉन हे फोटॉन्स निर्माण करतात तेव्हा ते एल्ईडीच्या अंतर्भागात संचार करत असतात. म्हणजे त्यावेळी त्यांचे संचारमाध्यम असते अर्धवाहक पदार्थाचे. या पदार्थांमध्ये प्रकाशाचा वेग त्याच्या हवेतील वेगाच्या तुलनेने जास्तकमी म्हणजे सुमारे पावपट असतो. त्यामुळे प्रकाश अर्धवाहक पदार्थाच्या पृष्ठभागातून बाहेर हवेत न येता आतल्या आत परावर्तित होतो. हे टाळण्यासाठी अर्धवाहक पदार्थावर पुरेसा रिफ्रॅक्टिव इंडेक्सवक्रीभवनांक असणार्‍या प्लास्टिकचे आवरण करण्यात येते. "अर्धवाहक पदार्थ व प्लास्टिक" आणि "प्लास्टिक व हवा" यांच्या रिफ्रेक्टिव इंडेक्स मधीलवक्रीभवनांकांमधील फरक हा "अर्धवाहक पदार्थ व हवा" यांच्या रिफ्रेक्टिव इंडेक्सच्यावक्रीभवनांकांच्या फरकाच्या तुलनेत कमी असल्याने प्रकाश प्रथम अर्धवाहक पदार्थातून प्लास्टिक व त्यातून हवेत मिसळतो.