[[गोवा|गोव्याच्या]] उत्तर भागातील [[फोंडा तालुका|फोंडा तालुक्यातील]] केरी नामक खेड्यात गोमंतक मराठा समाजात केसरबाईंचा जन्म झाला. वयाच्या आठव्या वर्षी त्यांनी [[कोल्हापूर|कोल्हापुरास]] प्रयाण करून आठ महिने उस्ताद [[अब्दुल करीम खाँ]] यांच्याकडे संगीताचे धडे घेतले. गोव्याला परत आल्यावर त्यांनी प्रसिद्ध गायक [[रामकृष्णबुवा वझे]] (इ.स. १८७१ - १९४५) यांच्याकडे आपले संगीत शिक्षण चालू ठेवले. वयाच्या १६ व्या वर्षी त्यांनी [[मुंबई]]त स्थलांतर केले व तिथे अनेक संगीतगुरूंकडून त्या प्रशिक्षण घेत राहिल्या. सरतेशेवटी इ.स. १९२१ मध्ये त्यांनी जयपूर-अत्रौली घराण्याचे संस्थापक उस्ताद [[अल्लादिया खाँ]] (इ.स. १८५५ - १९४६) यांचे शिष्यत्व पत्करले.
