"जी-२०" च्या विविध आवृत्यांमधील फरक
Vipinsharma21 (चर्चा | योगदान) नवीन पान: जगाच्या उत्पन्नाच्या ९० टक्के; तसेच जागतिक व्यापाराचा ८० टक्के ह... |
(काही फरक नाही)
|
१४:५९, ४ जानेवारी २०१० ची आवृत्ती
जगाच्या उत्पन्नाच्या ९० टक्के; तसेच जागतिक व्यापाराचा ८० टक्के हिस्सा असलेल्या जगातील अव्वल २० राष्ट्रांची अनौपचारिक चीन व भारतासह बांधलेली मोट म्हणजे ‘जी २०’ राष्ट्रसमूह. जगाची अर्थव्यवस्था रूळावर आणणे नि त्या पुन्हा रूळावरून घसरू नये म्हणून योग्य उपाययोजना करण्याची जबाबदारी आपलीच असल्याचे मानून या राष्ट्रसमूहांची लंडन येथे जी-२० शिखर परिषद अलीकडेच पार पडली. प्रगत आणि प्रगतिपथावर असणाऱ्या महत्त्वपूर्ण निवडक देशांचा अनौपचारिक समूह म्हणजे जी-२०. भारत आणि चीन देखील या समूहाचे सदस्य आहेत. जागतिक अर्थव्यवस्था सुरळित असण्याची जबाबदारी आपली आहे असं गृहित धरून जी-२० ने म्हणजे त्यांच्या वतीने इंग्लंडने अलीकडेच शिखर परिषद लंडन येथे आयोजित केली. परिषदेला जी-२० च्या सभासद देशांचे पंतप्रधान/ राष्ट्राध्यक्ष, अर्थमंत्री, सेंट्रल बँकांचे गव्हर्नर्स, आय.एम.एफ., वर्ल्ड बँक, युनो, ओ.ई.सी.डी., एफ.एस.एफ. यांचे प्रमुख अशी सर्व महारथी मंडळी उपस्थित होती. शिखर परिषदेचं प्रमुख उद्दिष्ट होतं मंदीवर मात करून जगाची आणि जगातील देशांच्या अर्थव्यवस्था रूळावर आणणे नि त्या पुन्हा रूळावरून घसरू नये म्हणून योग्य उपाययोजना करणे.