संतोष घंटे

संतोष घांटे (11 ऑगस्ट 1982) हे भारतीय हार्मोनियम प्लेयर, एकलवादक, अनेक प्रसिद्ध गायक आणि वादकांबरोबर साथ संगत करणारे वादक आणि संगीतकार आहेत .

संतोष घंटे
मूळ	भारत
संगीत प्रकार	भारतीय शास्त्रिय संगीत हिंदूस्तानी शास्त्रिय संगीत
वाद्ये	पेटी
कार्यकाळ	१९९९

जीवन

संतोष घंटे यांचा जन्म लातूरमधील निम्न मध्यमवर्गीय कुटुंबात झाला होता. त्यांनी आपले शालेय शिक्षण लातूर आणि चिंचवड येथे पुर्ण केले. व पुणे शहरातील गोडसे वाद्य विद्यालयात आपल्या संगीत शिक्षणास सुरूवात केली.

कारकिर्द

ते स्व. पं.आप्पासाहेब जळगावकर यांचे शिष्य आहेत. १० ते ३० सप्टेंबर २००६ दरम्यान त्यांनी शालेय मुलांसह अनेक कार्यशाळा केल्या, लातूर जिल्ह्यातील ५० शाळांना ते शिकवू शकले. शास्त्रीय संगीताच्या प्रसारासाठी या कार्यशाळा होत्या. घंटे यांनी 22 देशांमध्ये आपले कार्यक्रम केले आहेत. वेगवेगळ्या प्रयोगांसह त्याने हार्मोनियम या वाद्याला साथ-सोबतच्या वाद्यापासून ते एकल वाद्य म्हणून वापरण्या पर्यंत आणले आहे. लोकसंगीत लोकप्रिय करण्याचा आणि संगीताच्या दुर्लक्षित प्रकारांना व्यासपीठ उपलब्ध करून देण्याचा त्यांचा प्रयत्न आहे. त्यांनी २०११ मध्ये सूरसाखा नावाने आपल्या गुरू आप्पासाहेब जळगांवकर यांना पुस्तकरुपाने श्रद्धांजली वाहिली.

संवादिनी कला मंच

हार्मोनिअम लोकप्रिय करण्यासाठी त्यांने एक संस्था स्थापन केली आहे, या संस्थेच्या सहकार्याने त्यांनी कार्यक्रमांचे आयोजन केले जात आहे, मुलांना हार्मोनियमचे प्रशिक्षण दिले जात आहे.