"ऑरेलियन" च्या विविध आवृत्यांमधील फरक

'''ऑरेलियन''' तथा '''लुसियस डॉमिटियस ऑरेलियानस ऑगस्टस''' ([[८ सप्टेंबर]], [[इ.स. २१४]] किंवा २१५ - सप्टेंबर किंवा ऑक्टोबर [[इ.स. २७५]]) हा [[इ.स. २७०]] ते २७५ दरम्यान [[रोमन सम्राट]] होता. सामान्य परिस्थितीत जन्मलेल्या ऑरेलियनने सैन्यामध्ये देदिप्यमान कामगिरी करून सम्राटपद मिळवले. सम्राट झाल्यानंतर त्याने मोठ्या विध्वंसकारक युद्धात अलेमानी या जर्मन टोळ्यांचा पराभव केला. तसेच त्याने उत्तरेकडील गॉथ, व्हॅन्डाल, जुथुन्गी व ईशान्येकडील सार्मेशियन व कार्पाय या लोकांचा पराभव केला. इ.स. २७३ मध्ये त्याने पूर्वेकडील [[पाल्मिराचे साम्राज्य]] हा स्वतंत्र झालेला रोमन प्रदेश जिंकून घेतला व पुढील वर्षी पश्चिमेकडील [[गालिक साम्राज्य|गालिक साम्राज्याचा]] पराभव फ्रान्स व ब्रिटनचा प्रदेश रोमन साम्राज्यास पुन्हा जोडून घेतला. त्याच्या आदेशाने [[रोम]]मध्ये ऑरेलियन भिंती बांधण्यात आल्या व [[डेशिया (रोमन प्रांत)|डॅशिया]]च्या प्रांतातून माघार घेण्याचा निर्णयही त्याचाच होता. तिसऱ्या शतकात दुर्बळ झालेल्या रोमन साम्राज्यास हे विजय अत्यंत महत्त्वाचे होते व त्यामुळे ऑरेलियनला रेस्टिट्युटर ऑर्बिस ([[लॅटिन भाषा|लॅटिन]]: Restitutor Orbis) म्हणजे 'विश्वाचा पुनर्स्थापक' ही उपाधी देण्यात आली. फ्रान्समधील [[ओर्लेयों]] या शहराचे नामकरण ऑरेलियनवरून करण्यात आले आहे.