"मदन हजेरी" च्या विविध आवृत्यांमधील फरक

'''मदन हजेरी''' (जन्म : १९५४) हे एक मराठीतील बालसाहित्यकार आहेत. ते माध्यमिक शिक्षक, पत्रकार, व्याख्याते, लेखक आणि प्रकाशकही आहेत. त्यांचा जन्म कोल्हापूर जिल्ह्यातील करंबळी या गावी झाला. एम.ए.बी.एड. झाल्यावर ते नोकरीसाठी कोकणात आले आणि तेथेच स्थायिक झाले. कोकणात राहून त्यांनी सकस बालसाहित्याची निर्मिती केली. मदन हजेरी यांनी प्रथम १९९२ साली कोंबे गावात ज्ञानदीप या नावाचे ग्रंथालय सुरू केले. आणि त्यानंतर त्यांनी २०१२ सालापर्यंत राजापूर तालुक्याच्या ग्रामीण भागात सुमारे ३० ग्रंथालयांची स्थापना केली. त्यांच्या झोकून काम करण्यामुळे कोकणातील बालसाहित्य चळवळीला बळकटी आली. त्यांनी विविध पदे भूषविली आणि मुलांच्या कलागुणांना वाव देणारा, त्यांना संस्कारक्षम करणारा बालविकास नावाचा प्रकल्प त्यांनी राजापूर नगर वाचनालयातून चालवला. त्याचप्रमाणे [[कोकण मराठी साहित्य परिषद|कोमसापच्या]] राजापूर शाखेद्वारे त्यांनी त्यांनी ’प्रकट वाचन प्रकल्प’ राबवला.

 

 

'''मदन हजेरी''' हे इयत्ता नववीच्या मराठी पाठ्य पुस्तक निर्मिती मंडळाचे संपादक सदस्य आहेत. ते किशोर मासिकाच्या संपादक सल्लागार समितीचे सदस्य आहेत. ’आपडी थापडी’ या मुलांच्या वार्षिकाचे ते २००० सालापासून संपादक आहेत. [[राजापूर]] तालुक्यातल्या ओणी गावी झालेल्या २०१२ सालच्या [[मराठी बालकुमार साहित्य संमेलन|अखिल भारतीय मराठी बालकुमार साहित्य संमेलनाचे]] ते संमेलनाध्यक्ष होते.

* ग्रंथालय चळवळीसाठीचा महाराष्ट्र सरकारचा डॉ. सी.आर. रंगनाथन ’ग्रंथमित्र’ [[पुरस्कार]]

* रत्‍नागिरी जिल्हा परिषदेचा आदर्श माध्यमिक शिक्षक पुरस्कार