साहित्य संपादन

  1. कैऱ्या
  2. मोहरी
  3. हिरव्या मिरच्या
  4. गूळ
  5. नारळ
  6. मिठ

फोडणीचे साहित्य संपादन

  1. साजूक तूप
  2. जिरं

पूर्व तयारी संपादन

प्रथम कैऱ्या उकडून घ्यायच्या व त्याचा पन्ह्याला काढतो तसा गर काढायचा. त्यात कैऱ्यांच्या आंबटपणानुसार (काही कैऱ्या ह्या फारच आंबट असतात तर काही त्या मानाने इतक्या आंबट नसतात,) गूळ घालायचा व अंदाजाने मीठ घालावे व ते मिश्रण डावाने सारखे करून ठेवावे.

कृती संपादन

वाटणाचा क्रम - प्रथम मिक्सरमध्ये मोहरी, थोडे मीठ, मिरच्या व किंचित पाणी घालून ते मिश्रण नीट वाटून घ्यावे! थोडे पाणी घातल्याने मोहरी छान चढते.

वरील मिश्रण चांगले वाटून झाले की त्याच मिक्सरच्या भांड्यात एक वाटीभर खोवलेला ताजा नारळ घालावा व घातलेल्या नारळासकट पुन्हा ते मिश्रण नारळ उत्तम वाटला जाईपर्यंत वाटावे. त्यानंतर पूर्वतयारीत सांगितल्याप्रमाणे कैऱ्या-गूळ-मिठाचे‍ सारखं करून ठेवलेले मिश्रण मिक्सरमध्ये घालावे आणि सगळेच मिश्रण पुन्हा एकदा अगदी एकजीव होईपर्यंत वाटावे.

त्यानंतर त्या वाटणात भातासोबत जेवता येईल इतपत किंवा कढीइतपत पात्तळ होईल तितके पाणी घालावे. पाणी घातल्यानंतर ते मिश्रण डावेने छान ढवळून घ्यावे व वरतून साजूक तूप -जिऱ्याची चांगली चरचरीत फोडणी द्यावी! (गॅसवर गरम करू नये.)

झाली मोहरवणी[ चित्र हवे ] तयार.

इतर माहिती संपादन

'चुलीवरचा गरमागरम भात, त्यावर मोहरवणी आणि सोबत पोह्याचा भाजलेला पापड' असा खास कोकणातला हा मेनू आहे.

बाह्य दुवे संपादन