बटाट्याचे पराठे
.jpg)
साहित्य
संपादन- गव्हाचे पीठ
- २ मध्यम आकाराचे शिजलेले बटाटे
- १ चमचा लसूण पेस्ट
- १ ते दीड चमचा हिरव्या मिरच्यांचा ठेचा
- पाऊण वाटी बारीक चिरलेली कोथिंबीर
- १ चमचा जिरे
- १ लहान चमचा जिरेपूड
- मीठ
- बटर
कृती
संपादन- २ ते अडीच वाट्या गव्हाचे पीठ (कणीक) मळून घ्यावे. चवीसाठी मीठ घालावे.
- शिजलेले बटाटे किसून घ्यावेत त्यामुळे बटाट्याच्या गुठळ्या होणार नाहीत. त्यात लसूण पेस्ट, मिरची ठेचा, कोथिंबीर, जिरे, जिरेपूड आणि मीठ मिक्स करावे.
- कणीक आणि बटाट्याचा कीस यांच्या मिश्रणाचे मध्यम आकाराचे एकसारखे गोळे करावे.
- ४ इंच गोल पोळी लाटून त्यात बटाट्याच्या मिश्रणाचा एक गोळा मध्यभागी ठेवावा आणि पोळीची बाकी टोके मध्यभागी आणून बटाट्याचे मिश्रण पूर्ण कव्हर करावे (पुरणपोळीला जसे स्टफिंग करतो तसे).
- पोळपाटावर थोडे गव्हाचे पीठ लावावे. आणि हलक्या हाताने पराठा लाटावा. तवा गरम करावा आणि मगच पराठा त्यावर टाकावा. बटर किंवा तेलावर हा पराठा दोन्ही बाजूंनी नीट भाजावा.
टीप
संपादन- पराठ्यात लसणाऐवजी अगदी बारीक चिरलेला कांदासुद्धा घालता येतो..
- पीठ अगदी सैल मळू नये, किंचित घट्टच असावे.