पूजा देशमुख

सौ. पूजा पुष्कराज देशमुख (- ५ ऑक्टोबर,इ.स. १९७२) या महाराष्ट्रातील एक उदयोन्मुख कीर्तनकार आहेत. नारदीय व राष्ट्रीय कीर्तनकार ह.भ.प.कै. ओतुरकरबुवा (प्र. दा. राजर्षि) हे सौ. देशमुख यांचे श्रद्धास्थान व प्रेरणास्थान आहे.

वडगाव बुद्रुक, पुणे येथे राहणाऱ्या सौ. देशमुख या सामाजिक, पौराणिक, ऐतिहासिक तसेच राष्ट्रीय विषयांवर कीर्तन करतात. महाराष्ट्र व महाराष्ट्राबाहेरही त्या कीर्तनसेवा रुजू करतात.

त्यांची कीर्तन पद्धत ही 'नारदीय कीर्तन' आहे. कीर्तना साठी अनेक ज्येष्ठ श्रेष्ठ कीर्तनकारांचे मोलाचे मार्गदर्शन तसेच घरातूनच, पती श्री . पुष्कराज देशमुख यांचे मार्गदर्शन व प्रोत्साहन. पूजाताई देशमुख या वाणिज्य पदवीधर (बी. कॉम.) आहेत. त्यांचे कीर्तनाचे शिक्षण खालीलप्रमाणे आहे.

• वासंतिक वर्ग पंचवार्षिक अभ्यासक्रम, तसेच कीर्तन विशारद हा ३ वर्षाचा पदवी अभ्यासक्रम. (श्री. हरिकीर्तनोत्तेजक सभा, पुणे. ) सन २००४ - २००९.
• कवि कुलगुरू कालिदास संस्कृत विद्यापीठ, रामटेक, (नागपूर) येथील कीर्तन शास्त्र - बी.ए. सन २००९ - २०११

पुरस्कार

• कीर्तन सौदामिनी, पैठण, २००८
• कीर्तन रत्नावली,श्री हरिकीर्तनोत्तेजक संस्था (नारद मंदिर), सदाशिव पेठ, पुणे २०१६