जीरा शंकरपाळी

साहित्य

• मैदा २ वाटी
• जिरे २ चमचे
• बारीक मीठ चवीपुरते
• तेल

कृती

मैदा चाळून घ्यावा . जिरे बारीक करून घ्यावे व ते चाळलेल्या मैद्यात मिसळून घ्यावे . त्यानंतर ३ ते ४ चमचे उकळलेले तेल एकत्र करून घ्यावे व एकजीव करावे . त्यानंतर पाणी घालून घटट मळून घ्यावे . चपाती सारखे गोळे करून त्याची पातळ चपाती लाटून घ्यावी व बारीक काप करून घ्यावे . तेल गरम करून त्यामध्ये तळून घ्यावे . तुमची खुसखुशीत शंकरपाळी खाण्यासाठी तयार .