कर्नाटक हिजाब वाद, २०२२

फेब्रुवारी २०२२ च्या पहिल्या आठवड्यात कर्नाटक राज्यात हिजाब वाद भडकला. हिजाब परिधान केलेल्या मुस्लिम विद्यार्थ्यांना वर्गात प्रवेश नाकारण्यात आल्यानंतर हा वाद सुरू झाला. ५ फेब्रुवारी २०२२ रोजी कर्नाटक सरकारने महाविद्यालयांमध्ये हिजाब परिधान करण्यावर बंदी घालणारा आदेश जारी केला होता. कर्नाटकातील काही महाविद्यालयांमध्ये मुस्लिम मुलींना हिजाब घालण्यास मनाई केल्यानंतर उच्च न्यायालयात दोन याचिकाही दाखल करण्यात आल्या.

हिजाब घालण्यास बंदी घातल्याने हा वाद सुरू झाला

८ फेब्रुवारी २०२२ रोजी कर्नाटक राज्यात मुस्लिम विद्यार्थ्यांनी हिजाब परिधान केल्याबद्दलचा वाद अधिक तीव्र झाला, त्यानंतर राज्य सरकारने पुढील तीन दिवस शाळा आणि महाविद्यालये बंद ठेवण्याची घोषणा केली.

पार्श्वभूमी

डिसेंबर २०२१ च्या शेवटी आणि जानेवारी २०२२ च्या सुरुवातीस राज्यातील अनेक महाविद्यालयांमध्ये हिजाब संदर्भात विद्यार्थी आणि प्रशासन यांच्यात वाद झाला होता. परंतु फेब्रुवारी २०२२ च्या सुरुवातीला हा वाद अधिक तीव्र झाला आहे.

कोलकाता येथील मुस्लिम विद्यार्थिनी

उच्च न्यायालयात सुनावणी

उडुपीच्या गव्हर्नमेंट पीयू कॉलेज फॉर वुमनमधील अनेक विद्यार्थिनींनी याचिका केली होती की हिजाब घालणे हा त्यांचा घटनात्मक अधिकार आहे.