एहूद ओल्मर्ट
(एहूड ओलमर्ट या पानावरून पुनर्निर्देशित)
एहूद ओल्मर्ट (हिब्रू: אהוד אולמרט; ३० सप्टेंबर १९४५) हा इस्रायल देशामधील एक राजकारणी व देशाचा माजी पंतप्रधान आहे. इस्रायलच्या राजकारणामध्ये प्रदीर्घ काळ कार्यरत असलेला ओल्मर्ट एरियेल शॅरनच्या मंत्रीमंडळामध्ये कॅबिनेट मंत्री होता. ४ जानेवारी २००६ रोजी पंतप्रधान असताना शॅरनला पक्षाघात झाल्यामुळे तो कोमामध्ये गेला व त्याच्या जागी कार्यवाहू पंतप्रधान म्हणून ओल्मर्टची निवड झाली. त्याच वर्षी झालेल्या सार्वत्रिक निवडणुका ओल्मर्टच्या पक्षाने जिंकल्या व ओल्मर्ट इस्रायलचा १२वा पंतप्रधान बनला.
| एहूद ओल्मर्ट | |
| |
इस्रायलचा पंतप्रधान
| |
| कार्यकाळ १४ एप्रिल २००६ – ३१ मार्च २००९ | |
| मागील | एरियेल शॅरन |
|---|---|
| पुढील | बिन्यामिन नेतान्याहू |
जेरूसलेमचा महापौर
| |
| कार्यकाळ १९९३ – २००३ | |
| जन्म | ३० सप्टेंबर, १९४५ बिन्यामिना, हैफा जिल्हा, ब्रिटिश पॅलेस्टाइन |
| पत्नी | अलिझा ओल्मर्ट |
| धर्म | ज्यू |
३ वर्षे सत्तेवर राहिल्यानंतर ओल्मर्टने मार्च २००९ मध्ये पंतप्रधानपद सोडले. सत्तेवर असताना भ्रष्टाचार केल्याच्या आरोपावरून त्याच्यावर खटला भरला गेला होता.
बाह्य दुवे संपादन
 |
विकिमीडिया कॉमन्सवर खालील विषयाशी संबंधित संचिका आहेत: |