बाल नाट्य

बालप्रेक्षकांचे मनोरंजन करताकरताना नाटकांच्याद्वारे त्यांचे व्यक्तिमत्त्व घडवण्याचा प्रयत्न करणे हे बालरंगभूमीचे उद्दिष्ट असते. ही नाटके बालकांसाठी लिहिली असली, तरी ती केवळ बालकांनी सादर केली नसतात. नाटकांतील कथानकानुसार पात्रयोजना करून बालकांचे मनोरंजन होईल अशा रीतीने ही बालनाट्ये रंगमंचावर दाखविली जातात. या नाटकांत केवळ बालकांनाच प्राधान्य असेल असे नाही. नाटकांमध्ये लहानमोठ्या वयाची माणसे, प्राणी, पक्षी, राक्षस, भुते यांतले काहीही असू शकते. लोककथा, परीकथा, साहसकथा किंवा बालकांच्या समस्या असे या नाटकांचे विषय असतात. अशी नाटके रंगमंचावर सादर करण्यासाठी दिग्दर्शकाला प्रत्यक्ष मुलांच्या डोळ्यांनी व मनाने नाटकाकडे बघावे लागते. ठाशीव कथासूत्र, सोपे, चटकदार आणि चटपटीत संवाद हे या नाटकांचे वैशिष्ट्य असते. मुलांचे भाषाज्ञान प्रौढांइतके प्रगल्भ नसल्याने नाटकांत संवादापेक्षा प्रकाशयोजना, कथेला अनुसरून वातावरणनिर्मिती, पात्रांची वेषभूषा आणि रंगमंचव्यवस्थापन यांकडे अधिक लक्ष द्यावे लागते. मुलांना जास्त ताण सहन होण्यासारखा नसल्याने नाटकातले वातावरण हलकेफुलके ठेवावे लागते.

मुलांसाठी नाटके लिहिणारे काही लेखक आणि त्यांची बालनाट्ये

• अतुल पेठे : आनंदी गावचा गम्मतराव, दि ग्रेट गाढव सर्कस.
• अनंत काणेकरः चांदपरी, सोनपरी.
• आत्माराम सामंत : आगपेटीतला राक्षस
• कृष्णदेव मुळगुंद : अपराध कुणाचा, असा मी काय गुन्हा केला?, जादूनगरीतील राजकन्या, ठकसेन राजपुत्र, पाचूच्या बेटावर.
• जयंत तारे : अक्कलपूरचा बक्कलराव, अक्रमबक्रम सारेच चक्रम, अल्लाउद्दीनचा दिवा, असं कसं झालं?, अस्मानपूरचा उस्मानखाँ,

आजी आली जादू झाली, आटला बाई बाटला बाई, इटुकला ससोबा, इस्तंबूलचा जादूगार, गडबडमामा, गाढवकानाचा राजा, गोल गेम डबल माल, चतुर विदूषक, चंदाराणी, चॉकलेट खाणारा राजा, चिंकू पिंकू झिंदाबाद, चिडका बिब्बा चिडला, चिंतेत पडलेला राजा, चेटकिणीचा शाप, जादूगार पिंटो, जादूची कढई, जादूची पेटी, जादूची बासरी, जादूची बी, जादूचा मणी, झब्बू गब्बू आणि मंतरलेला ताईत, झोपी गेलेली राजकन्या, टप टप राजा टिप टिप मोत्या, टमटमपूरचा टिल्लू टॉम, टुणटुण नगरी खणखण राजा, दुष्ट मांत्रिक, पाचूचे पैंजण, पोपटपंची, बगदादचा जादूगार, बाळंभट कोळंभट, बिरबल आणि बादशहा, बुटुक बैंगण, राजकन्या हट्टी राजाशी कट्टी, राजपुत्र नोबेल, लाल बेट सोनेरी मासे, समुद्राला लागली आग, सर्वश्रेष्ठ दान, साधूच्या पोरीचं लगीन, सिंड्रेला, सोनेरी केसांची राजकन्या, हाऊस नंबर ५०, हिंगमिरे चिंगमिरे, हिमगौरी आणि सात बुटके.

• दत्ता टोळ : खानाची फजिती, न रडणारी राजकन्या, नवलनगरीतील नाटक, लिंबूनाना टिंबूनाना, शाळा एके शाळा, शाळा नसलेला गाव.
• द.मा.मिरासदार : गाणारा मुलूख.
• दिनकर देशपांडे : जेव्हा अकलेला अक्कल फुटते, टारझन आला रे आला, डाकू खटपटसिंग धडधडसिंग, बंबाबू हो बंबाबू, बम बम भोलाराम, बहरले झाड सोन्याचे.
• नाना कोचरेकर : शामची आई.
• नाना ढाकुलकर : ओम्‌ नरकराय नम:.
• नानासाहेब शिरगोपीकर : परीक्षेपूर्वीच्या सात रात्री, शाबास बिरबल शाबास, सिंहाचा छावा.
• नीळकंठ नांदुरकर : अबब विठोबा बोलू लागला.
• पु. ल. देशपांडे : नवे गोकुळ, वयम्‌ मोठम्‌ खोटम्‌.
• प्रकाश पारखी : भित्रा राजपुत्र, मंग्या गारुडी आणि जादूची पुंगी.
• प्रदीप दळवी : सहा रंगांचं इंद्रधनुष्य़.
• भालचंद्र भिडे : हेमा आणि सात बुटके.
• भा.वि.वरेरकर : सदा बंदीवान.
• म. वि. गोखले : डिटेक्टिव्ह नंदू, प्रिय मित्रांनो रामराम, लिपी वनातले राक्षस, होता रायाजी वाचला शिवाजी.
• माधव साखरदंडे : आला अडाण्याचा गाडा, नरवर किसना समान, पंचतंत्र.
• मालतीबाई दांडेकर : संगीत चंद्राचे वरदान
• रंगनाथ कुलकर्णी: तंबूत शिरलेला उंट .
• रत्नाकर मतकरी : अचाटगावची अफाट मावशी, अदृश्य माणूस, अलबत्या गलबत्या, अललू घु्र्र‌र्र, अलीबाबाचे खेचर आणि ३९वा चोर, आटपाटनगरची राजकन्या,

इंद्राचं आसन नारदाची शेंडी, कळलाव्या कांद्याची कहाणी, ढगढगोजीचा पाणीप्रताप, दि ग्रेट गोल्डन गॅंग, धडपडे बडबडे मारकुटे आणि मंडळी, निम्मा शिम्मा राक्षस, बुटबैंगण, राक्षसराज झिंदाबाद, सरदार फकडोजी वाकडे.

• लीलावती भागवत : पंडित पंडित तुझी अक्कल शेंडीत.
• वसुधा पाटील : सिंड्रेला.
• वामन पात्रीकर : काऊ काऊ दार उघड.
• विजय तेंडुलकर : चिमणा बांधतो बंगला, बॉबीची गोष्ट, राजाराणीला घाम हवा.
• विनोद हडप : हॅलो हरी एक्का दुर्री तिर्री.
• शंकर पाटील : हिकमती हिटलर.
• स.अ.शुक्ल : सत्याग्रही, सिंहाचा छावा.
• सई परांजपे : झाली काय गंमत, पत्ते नगरीत, शेपटीचा शाप.
• सुधाकर प्रभू : इकडम नगरीचा तिकडम राजा, इटुकली मिटुकली नाटुकली, कन्हैयाचे सौंगडी, खादाडखाऊ, गाणारा गाव, जयवंत जाणला राजा, बैरागी राजा, मुले नाटक करतात, रक्ताचे मोल, रक्षाबंधन, रूपांजली, सात बुटके आम्ही छान, हबू राजा गोबू प्रधान.
• सुधा करमरकर : अल्लाउद्दीन आणि जादूचा दिवा, जादूचा वेल..