"कविसंकेत" च्या विविध आवृत्यांमधील फरक
Content deleted Content added
नवीन पान: (निसर्गांत नसलेल्या पण प्राचीन कवींनीं कल्पिलेल्या कविकल्पना क... |
(काही फरक नाही)
|
२०:३८, ३० डिसेंबर २०१९ ची आवृत्ती
(निसर्गांत नसलेल्या पण प्राचीन कवींनीं कल्पिलेल्या कविकल्पना किंवा काव्यसंकेत :
- चक्रवाक आणि चक्रवाकी यांच्यामध्ये फक्त एक कमळाचे पान असते. पण ती दोघे एकमेकांस दिसत नाहीत. सारी रात्र दोघांना विरहावस्थेत कंठावी लागते. सूर्योदयीं त्यांची भेट होते.
- स्त्रीच्या विविध हावभावांनीं पुढील वृक्ष बहरतात असा कविसंकेत आहे. :
स्त्रीच्या स्पर्शें प्रियंगू प्रति आणि बकुला मद्य गंडूषकांनीं ।
पादाघातें अशोका, तिलक-कुरबकांज वीक्षणालिंगनांनीं ॥
मंदारा नर्मवाक्यें, सुरुचिर हंसनें चंपका येई बार ।
आम्रा फुंकें ; नमेरू फुलति कलरवें, नर्तनें कर्णिकार ॥
- मृगाचे किडे आषाढात दिसते कीं, पृथ्वी ऋतुस्नात झाली असें समजतात.
- ग्रीष्मऋतूच्या (पावसाळ्याच्या) आरंमीं हंस मानस सरोवराकडे जातात.
- फक्त मेघजल पिऊनच चातक आपली तहान भागवितो.
- अतिशयोक्तींतच कविप्रतिमेचा विलास आहे. असा प्राचीन संकेत आहे.
- चंद्रकांत मणी हा त्याच्यावर चंद्रकिरणे पडली की पाझरतो.
- कामधेनु ही स्वगींय धेनु. चिंतामणि हें स्वगींय रत्न व कल्पतरु हा स्वर्गीय वृक्ष हे ईप्सितांची परिपूर्ति करणारे आहेत, असा कविसंकेत आहे.
- पावसाळ्याच्या आरंमीं पहिली मेघगर्जना झाली कीं कदंब फुलतात.
- लोखंडाला परीस नावाच्या मण्याचा (दगडाचा) स्पर्श झाला कीं लोखंडाचे सोने होते.
- राजहंस हा दूध आणि पाणी वेगळे करतो.
- सत्तावीस तारकांपैकीं कलंकित चंद्राबद्दल एकनिष्ठा ठेवणारी रोहिणीच होती असा कविसंकेत आहे.
- ढेकणाच्या रक्ताने हिरा भंगतो. ढेकणाच्या संगें । हिरा तो मंगला । कुसंगें नाडळ । साधु तैसा ॥ (तुकाराम)
- स्वाती नक्षत्राच्या पावसाने शिंपल्यांत मोती उत्पन्न होतात.
- संध्याकाळची वेळ व पाणवठयाचे स्थळ प्रणयलीलांना अनुकूल मानण्याचा कविसंकेत आहे.
- मोती हा पाण्यापासून बनतो त्याचे पुन्हा जर पाणी करावयाचे असेल तर त्याला हंसाची चोंच लागावी असा कविसंकेत आहे. (गीतेच्या श्लोकांवरील प्रवचने)
- हत्तीच्या गंडस्थळांतून स्रवणाऱ्या मदाचा विशिष्ट सुगंध सेवन करण्याकरिता भ्रमर लुब्ध होतात.
- हेमाम्भोज नावाची सुवर्णकमळे फक्त मानस सरोवरांत फुलतात.
- अमृताच्या सेवनाने वस्तुमात्राला चैतन्य व चिरजीवन प्राप्त होते. (गाथा सप्तशती)
- शेफालिकेची फुले मध्यरात्रीनंतर दरवळू लागतात.
- सूर्यकांत मणी सूर्यकिरणांच्या संयोगाने पेट घेतो.
- सर्व अलंकार असून कपाळी कुंकू नसले तर खरी शोभा नाही, असा कविसंकेत आहे.
- घनगर्जितामुळें बगळ्या गर्भवती होतात.
- चंपक कलिका रम्य असली व भ्रमर रसिक असला तरी तिच्याजवळ भ्रमर जात नाही.
- आज्ञाभंग करणारा व विश्वासघातकी अशा माणसांचा काव्यारंमी नामोल्लेख करू नये.:-
भर्तुराज्ञां न कुर्वन्ति ये च विश्वासघातकाः ।
तेषां नामापि न ग्राह्मं काव्यस्यादौ विशेषतः ॥ (सुभाषित).