"डॉ. बाबासाहेब आंबेडकर मराठवाडा विद्यापीठ" च्या विविध आवृत्यांमधील फरक

[[डॉ.बाबासाहेब आंबेडकर]] यांनी [[वेरूळ]] -अजिंठ्यालगतच [[औरंगाबाद]] परिसरात एक मोठे [[शिक्षण]], ज्ञानकेंद्र उभारण्याची योजना आखली होती. प्रामुख्याने आधुनिक शिक्षणापासून वंचित राहिलेल्या समाजातील बहुसंख्यकांसाठी हे नियोजन होते. औरंगाबाद शहराजवळच्या भागाचे नागसेनवन असे नामकरण करून तेथे पीपल्स एज्युकेशन सोसायटीच्या मिलिंद महाविद्यालयाची स्थापना त्यांनी केली. याच परिसरात स्वातंत्र्यानंतर मराठवाडा विद्यापीठ स्थापन करण्यात आले. पुढे [[नामांतरण लढा|नामांतरणच्या लढ्यानंतर]] [[शरद पवार]] मुख्यमंत्री असताना [[महाराष्ट्र शासन|महाराष्ट्र शासनाने]] मराठवाडा विद्यापीठाचे नाव बदलून डॉ. बाबासाहेब आंबेडकर मराठवाडा [[विद्यापीठ]] असे केले.

 

 

यामध्ये [[अण्णा भाऊ साठे]] अध्यासन, मौलाना [[अबुल कलम आझाद]] अध्यासन, डॉ. [[बाबासाहेब आंबेडकर]] संशोधन केंद्र, बाळासाहेब पवार अध्यासन, [[गौतम बुद्ध]] अभ्यास केंद्र, ग्रामीण समस्या संशोधन केंद्र, [[महात्मा गांधी]] अध्यासन, [[ताराबाई शिंदे स्त्री अभ्यास केंद्र]], [[महात्मा फुले]] अध्यासन, [[शहीद भगतसिंग]] अभ्यास केंद्र, राजर्षी [[शाहू महाराज]] संशोधन केंद्र, [[वसंतराव नाईक]] अध्यासन, छत्रपती [[शिवाजी]] महाराज अध्यासन अशा १३ अध्यासनांचा समावेश आहे. या अध्यासनांचा कारभार व्यवस्थित चालावा, यासाठी विद्यापीठ दरवर्षी अर्थसंकल्पामध्ये भरीव तरतूद करते; पण संचालकांनी स्वत:चे मानधन उचलण्यापलीकडे ठळक असे कार्य केलेले दिसत नाही. केवळ संबंधित महापुरुषांच्या जयंत्या, पुण्यतिथ्या साजऱ्या करण्यापलीकडे अध्यासनांचे फारसे काम नाही.

 

 

 

 

विद्यार्थी संघटना किंवा अन्य काही मार्गाने विद्यापीठाकडे मागणी आल्यामुळे नवीन अध्यासनांना तत्त्वत: मान्यता देण्यात आली आहे. यामध्ये [[गोपीनाथ]] मुंडे सेंटर फॉर रूरल डेव्हलपमेंट सेंटर, [[विलासराव देशमुख]] अध्यासन केंद्र, [[यशवंतराव चव्हाण]] अध्यासन केंद्र, उस्मानाबाद येथे विद्यापीठ उपकेंद्राच्या ठिकाणी भाई [[उद्धवराव पाटील]] अध्यासन केंद्र, [[गोविंदभाई श्रॉफ]] अध्यासन केंद्रांचा समावेश आहे. यापैकी गोपीनाथ मुंडे यांच्या नावे सुरू करण्यात येणाऱ्या अध्यासन केंद्रासाठी विद्यापीठाने अर्थसंकल्पात ५ लाख रुपयांची तरतूदही करून ठेवली आहे.