अनंत अंबाणी
अनंत अंबाणी (जन्म:१० एप्रिल, १९९५) एक भारतीय उद्योगपती, परोपकारी आणि पशुप्रेमी आहेत.[१] अंबाणी हे जिओ प्लॅटफॉर्म लिमिटेड, रिलायन्स रिटेल वेंचर्स लिमिटेड, रिलायन्स न्यू एनर्जी लिमिटेड, आणि रिलायन्स न्यू सोलर एनर्जी लिमिटेड यासह अनेक प्रमुख कंपन्यांच्या संचालकपदी कार्यरत आहेत.[२] अंबाणी हे रिलायन्स इंडस्ट्रीज लिमिटेड (RIL) चे व्यवस्थापकीय संचालक आणि अध्यक्ष मुकेश अंबाणी आणि रिलायन्स फाऊंडेशनच्या संस्थापक नीता अंबाणी यांचा धाकटा मुलगा आहेत.[३]
Youngest Son of Indian Billionaire Mukesh Ambani  | |||
| माध्यमे अपभारण करा | |||
 विकिपीडिया | |||
| जन्म तारीख | एप्रिल १०, इ.स. १९९५ मुंबई | ||
|---|---|---|---|
| नागरिकत्व | |||
| शिक्षण घेतलेली संस्था |
| ||
| नियोक्ता | |||
| वडील | |||
| आई | |||
| भावंडे |
| ||
| वैवाहिक जोडीदार | |||
| |||
 | |||
अंबाणी पशू प्रेमी असून प्राणी कल्याण आणि परोपकारी कार्यात सक्रियपणे सहभागी असतात. विशेष म्हणजे, त्यांनी गुजरातमधील जामनगर येथे वनतारा हे ३,००० एकरचे प्राणी बचाव केंद्र स्थापन केले आहे.[४]
प्रारंभिक जीवन आणि शिक्षण संपादन
अनंत अंबाणीचा जन्म मुंबई येथे अंबाणी कुटुंबात झाला. त्यांचे वडील मुकेश अंबाणी हे रिलायन्स इंडस्ट्रीजचे अध्यक्ष आणि व्यवस्थापकीय संचालक आहेत, तर त्यांची आई नीता अंबाणी रिलायन्स फाऊंडेशनच्या संस्थापक आहेत. त्यांना आकाश अंबाणी नावाचा मोठा भाऊ आणि ईशा अंबाणी नावाची मोठी बहीण आहे.
अंबाणी यांना वयाच्या दुसऱ्या वर्षापासून दम्याचा गंभीर आजार आहे. यासाठीच्या औषधीनी त्यांचे वजन आणि एकूणच आरोग्यावर मोठा दुष्परिणाम निर्माण झाला.[५] २०१६ मध्ये, त्याने १८ महिन्यांपेक्षा कमी कालावधीत १०८ किलोग्रॅम वजन कमी करून आपली प्रकृती सुधारली होती.[६][७]
त्यांनी मुंबईतील धीरूभाई अंबानी इंटरनॅशनल स्कूलमध्ये सुरुवातीचे शिक्षण पूर्ण केले आणि अमेरिकेतील ऱ्होड आयलंड येथील ब्राऊन विद्यापीठातून पदवी प्राप्त केली.
कारकीर्द संपादन
२०१५ मध्ये अंबानी त्यांच्या कौटुंबिक व्यवसायात सामील झाले. तेव्हापासून, त्यांनी रिलायन्स इंडस्ट्रीज लिमिटेड (RIL) च्या उपकंपन्यांच्या संचालक पदावर काम केले आहे. उल्लेखनीय म्हणजे, ते मार्च २०२० पासून जिओ प्लॅटफॉर्म्स लिमिटेड, मे २०२२ पासून रिलायन्स रिटेल व्हेंचर्स लिमिटेड, रिलायन्स न्यू एनर्जी लिमिटेड आणि रिलायन्स न्यू सोलर एनर्जी लिमिटेडच्या बोर्डवर जून २०२१ पासून संचालक आहेत. याव्यतिरिक्त ते सप्टेंबर २०२२ पासून रिलायन्स फाउंडेशनच्या संचालक मंडळावर काम करत आहेत.[८]
रिलायन्स इंडस्ट्रीजमधील ऊर्जा आणि साहित्य व्यवसायांच्या विस्तारात आणि अक्षय आणि हरित ऊर्जा क्षेत्रातील तिच्या जागतिक ऑपरेशन्समध्ये अनंतची भूमिका महत्त्वाची आहे. २०३५ पर्यंत रिलायन्सचे नेट-कार्बन-शून्य कंपनीत रूपांतर करण्याच्या उद्देशाने त्यांनी पुढाकार घेतला. यामध्ये स्वच्छ इंधन आणि भविष्यातील सामग्रीचे उत्पादन करण्यासाठी जागतिक स्तरावरील क्षमता विकसित करणे, पुढील पिढीचे कार्बन कॅप्चर आणि स्टोरेज तंत्रज्ञान विकसित करणे, समग्र वर्तुळाकार साहित्य व्यवसाय स्थापित करणे आणि रासायनिक रूपांतरण प्रक्रियेसाठी क्रूड ऑप्टिमाइझ करणे.[९]
या शाश्वत संक्रमणाच्या मध्यभागी धीरूभाई अंबानी ग्रीन एनर्जी गीगा कॉम्प्लेक्स आहे जे गुजरातमधील जामनगरमध्ये निर्माणाधीन आहे. या कॉम्प्लेक्समध्ये सौर फोटोव्होल्टेइक मॉड्यूल्स, ऊर्जा साठवण बॅटरी, इलेक्ट्रोलायझर्स आणि हायड्रोजनचे उर्जेमध्ये रूपांतर करण्यासाठी इंधन सेल तयार करणारे चार कारखाने आहेत.[१०][११]
वनतारा संपादन
अंबानी हे पशूप्रेमी असून त्यासाठी काम करण्याची त्यांना आवड आहे. त्यांनी गुजरातमधील जामनगर येथे ३,००० एकरचे वनतारा हे प्राणी बचाव केंद्र स्थापन केले आहे. त्यांच्या प्रगल्भ ज्ञानामुळे आणि वन्यजीव संवर्धनाची आवड यामुळे "प्राण्यांचा चलताबोलता ज्ञानकोश" म्हणून त्यांची ओळख आहे. वनताराला रिलायन्स इंडस्ट्रीज आणि रिलायन्स फाऊंडेशनचे समर्थन आहे आणि ते वन्यजीव संरक्षण आणि जैवविविधता संरक्षणावर भर देते. गेल्या काही वर्षांत, वनताराने आंतरराष्ट्रीय निसर्ग संवर्धन संघ (IUCN) आणि जागतिक वन्यजीव निधी फॉर नेचर (WWF) यांसारख्या संस्थांसोबत सहकार्य करून, जागतिक स्तरावर २०० हून अधिक हत्ती आणि इतर प्रजातींची सुटका केली आहे.चुका उधृत करा: <ref> टॅग सापडला पण त्याबरोबर पाहिजे असलेला </ref> टॅग नाही सापडला.
वैयक्तिक जीवन संपादन
अंबाणी यांचे राधिका मर्चंटशी लग्न होणार असून त्यांचा विवाहपूर्व उत्सव मार्च २०२४ मध्ये जामनगर, गुजरातमध्ये झाला.[१२] मुकेश आणि नीता अंबाणी यांनी मोती खावडी गावातील आरआयएल टाउनशिप येथे झालेल्या तीन दिवसीय उत्सवाचे आयोजन केले होते. या कार्यक्रमात रिहाना आणि जादूगार डेव्हिड ब्लेन या कलाकारांच्या सादरीकरणाचा समावेश होता. उल्लेखनीय पाहुण्यांमध्ये मार्क झुकरबर्ग, बिल गेट्स, इव्हांका ट्रम्प, सुंदर पिचई आणि विविध उत्सवमूर्ती आणि व्यावसायिक व्यक्तींचा समावेश होता.[१३]
मार्च २०१९ मध्ये ते उत्तराखंडचे मुख्यमंत्री टी एस रावत यांनी नियुक्त केलेल्या बद्रीनाथ-केदारनाथ मंदिर समितीचे सदस्य झाले.
अनंतला खेळांमध्ये, विशेषतः क्रिकेटमध्ये रस असून ते विविध देशांतर्गत आणि आंतरराष्ट्रीय क्रिकेट स्पर्धांना आवर्जून हजेरी लावतात. विशेषतः इंडियन प्रीमियर लीगमध्ये मुंबई इंडियन्सला पाठिंबा देण्यासाठी ते हजर असतात.[१४]
अनंतला महागड्या शाही घड्याळांची आवड आहे आणि त्याच्याकडे जगातील काही प्रतिष्ठित ब्रँड्सचा समावेश आहे, ज्यात Patek Philippe, Audemars Piguet, Rolex आणि Richard Mille यांचा समावेश आहे.[१५]
संदर्भ संपादन
- ^ "who-is-anant-ambani". business-standard.com. 6 March 2024 रोजी पाहिले.
- ^ "Anant Ambani Wiki, Age, Height, Weight, Family, Wife, Affairs, Biography". Fabpromocodes Blog (इंग्रजी भाषेत). 6 March 2024 रोजी पाहिले.
- ^ "Anant Ambani Height, Age, Girlfriend, Wife, Family, Biography & More » StarsUnfolded". starsunfolded.com. 6 March 2024 रोजी पाहिले.
- ^ "विश्लेषण : अनंत अंबानींचे बहुचर्चित 'वनतारा' हे संग्रहालय की पुनर्वसन केंद्र? याविषयीचे नियम काय आहेत?". लोकसत्ता. २८ एप्रिल २०२४ रोजी पाहिले.
- ^ "Anant Ambani Gained Weight Due To Steroids From Asthma Treatment, Not Junk Foods or Lack of Exercise". TheHealthSite (इंग्रजी भाषेत). 2 April 2023. 6 March 2024 रोजी पाहिले.
- ^ "Things you can learn from his weightloss journey". The Times of India. 6 March 2024 रोजी पाहिले.
- ^ Maharjan, Jenita (4 March 2024). "Anant Ambani Wikipedia, Health: Obesity, Weight Loss Struggles". Ethical Board Room. 6 March 2024 रोजी पाहिले.
- ^ "Anant Ambani Career Age Biography Net worth Relationships". Tring (इंग्रजी भाषेत). 6 March 2024 रोजी पाहिले.
- ^ "Mr. Anant Ambani - Jio Institute". www.jioinstitute.edu.in (इंग्रजी भाषेत). 6 March 2024 रोजी पाहिले.
- ^ "Anant Ambani: Wiki, Age, Net worth 2024, Wife/Gf, Edu,Family". qnaclub.com. 6 March 2024 रोजी पाहिले.
- ^ "Anant Ambani Wiki, Age, Career, Fiance, Net worth". Right Rasta. 17 February 2023. 6 March 2024 रोजी पाहिले.
- ^ "Anant Ambani: World's rich in India for tycoon son's pre-wedding gala". bbc.com. 1 March 2024. 6 March 2024 रोजी पाहिले.
- ^ Holland, Oscar (4 March 2024). "Rihanna, Mark Zuckerberg and Ivanka Trump among bevy of stars at Indian billionaire heir's pre-wedding bash". CNN (इंग्रजी भाषेत). 6 March 2024 रोजी पाहिले.
- ^ "Mukesh Ambani's youngest son Anant Ambani on board of Jio Platforms; here's what he had said about RIL". Financialexpress (इंग्रजी भाषेत). 27 May 2020. 6 March 2024 रोजी पाहिले.
- ^ "The Insane Watch Collection of Anant Ambani". IFL Watches (इंग्रजी भाषेत). 9 November 2023. 6 March 2024 रोजी पाहिले.